طريقة جاتوه الميل فى وشرح تفصيلى لعجينة الباف بسترى او العجينة المورقة

تورتة الميل فى يطلق عليها البعض ميلفى أو ميل فيه أو ميل فاى،
ودى طريقة عملها بالتفصيل

المقادير

نصف كيلو دقيق

50 جرام زبدة

20 جرام سكر

20 جرام خميرة فورية

معلقة صغيرة ملح وماء بارد للعجن حسب الحاجة

طريقة العمل

نخلط جميع المكونات على بعضها ونقوم بعجنها بالماء البارد

لاننا مش عاوزين الخميرة تشتغل دلوقتى الى ان نحصل على

عجينة حلوة وطرية بهذا الشكل

نغطيها ونتركها تترتاح فى الثلاجة لمدة ساعة على الاقل
نكون مجهزين 200 جرام زبدة ونعملها مستطيل بالشكل دة

وتكون مبردة
بعد ما ارتاحت العجينة نفردها على شكل دائرة كبيرة ونضع قطعة الزبدة فى المنتصف

ونطبق العجينة يمينا ويسارا بهذا الشكل

ثم نطبق الجانبين كمان بالشكل دة

وبعدين نفردها الى مستطيل طويل

ونرجع نطبقة تانى من اليمين واليسار فقط بالشكل دة

الى ان نحصل على هذا الشكل

نغلفها بالنايلون ونحطها فى الثلاجة ربع ساعة او نصف ساعة

ونكرر هذة العملية الطرى والفرد من 4 الى 6 مرات حتى

نحصل على رقائق من العجين وبين كل مرة توضع فى الثلاجة

وهنا بقة من قريب بعد ما انتهيت من الطرى والفرد شايفين الرقائق

وهنا انا هاعمل 2 مستطيل كبير بالشكل دة واخرمة بالشوكة

واقطعة الى مستطيلات اصغر لعمل قطع الجاتوة

وانا بحب احطها فى الفريزر الاول ومن الفريزر على الفرن مباشرة

والعجينة دى تنفع طبعا للكرواسان والباتية وهنا بعد ما استوت

انا عملت كاسترد وهاحشيه بيه

وانا هنا حطيتة فى كيس لسهوولة الحشو

ثم نضع طبقة اخرى من الميل فى وندهنها مربى مشمش

وبالكريمة نعمل خطوط طولية بالشكل دة

ثم بخلة الاسنان نعمل خطوط عرضية لنحصل على

الشكل النهائى لجاتوة الميل فى وبالهنا
منوس ننوس
منى عبد المنعم