تورتة الورد بالكريمة بالصور والتفصيل الممل من تورتات الشيف منى عبد المنعم

النهاردة هشرحلكم بالتفصيل طريقة عمل تورتة

ناجحة جدا .. 

ومزينة بـ ورود الكريمة 

المقادير والمكونات

كوب وربع دقيق منخول

كوب وربع سكر بودرة ناعم

كوب وربع بيض مفصول بياض عن الصفار (فى حدود 7 بيضات )

معلقة صغيرة باكينج بودر

عصير ليمونة

معلقة كبيرة ماء مغلى

رشة ملح

فانيليا 

المقادير لصينية مقاس 24 أول مقاس

طريقة العمل والتحضير

اولاً نخفق بياض البيض مع نصف كمية السكر

وعصرة ليمون وملح وفانيليا والماء المغلى 

نتركة يخفق الى ان يصبح مارنج ويعمل علامة المنقار 

وفى نفس التوقيت نخفق صفار البيض مع باقى السكر وفانيليا وليمون 

الى ان يصبح لونة كريمى فاتح 

نضع الدقيق المخلوط بالبودر والملح على دفعات على الصفار فقط

ونضربة بالمضرب عادى خالص حتى نضمن تجانسة مع الصفار والسكر 

الى ان يصبح خليط سميك 

نبدا ناخد من مقدار المارنج معلقة معلقة ونخلطة بالاسباتيولا

مع خليط الدقيق والصفار السابق

الى ان يصبح الخليط سائل قليلا نضيفة كلة على باقى المارنج

ونقلب بخفة الطريقة دى بتكون سهلة لانها مش بتحتاج تقليب كتير

مع المارنج فابالتالى بنحتفظ بكمية الهواء وبنضمن ان الدقيق اتوزع

كويس هنا بعد ما ضفت الخليطين لبعض

وهنا دة شكل الخليط النهائى 

نبطن صينة الفرن مقاس 24 بورق الزبدة والدقيق واسمنة 

ونصب الخليط وندخلها الفرن بتقعد حوالى نصف ساعة

الى ساعة إلا ربع يعنى من 30 الى 45 دقيقة تقريباً

وهنا شكلها اول ما طلعت ماشاء الله مرتفعة وناجحة جدا 

نقلبها ونتركها تبرد 

هنا بعد ما قلبناها وبردت

ثم نقسمها الى 3 طبقات بهذا الشكل لان الارتفاع عالى وحلو 

انا هنا جهزت كريم شانتى ولونته باللون البنك الفاتح 

ناخد اول طبقة ونضع جزء من الكريمة ونفردة كويس 

ثم نضع الطبقة الاخرى ثم كريمة وهكذا 

الى ان ننتهى من الـ 3 طبقات نغلفها كلها من الخارج بالكريمة بهذا الشكل

تصبح هكذا نبردها فى الثلاجة شوية لتتماسك ثم نخرجها لتزينها

والتزيين يتم بباقى الكريمة فنضعها فى كيس حلوانى ونبدأ فى عمل الوردة

نعمل نجمة ونلف بالكيس على شكل دائرة الى ان نحصل على الوردة 

وهكذا بجانب بعض 

انا عملتها صفين ورد ممكن نصغرها وتكون 3 صفوف

وممكن نكبرها ونخليها صف واحد ثم نعمل نفس الوردة فى الاعلى 

ودة شكلها النهائى يارب تعجبكم بالهنا

** منوس ننوس **

( منى عبد المنعم )