طريقة عمل تورتة على شكل بيت ديزنى بالصور والتفصيل مطبخ منوس ننوس

كيفية الإعداد والتحضير

هانحتاج الى كيك اسفنجى 3 كيكات مربعين انا مش متوفر عندى صوانى كيك مربعة

فعملت 2 صينية كبيرة مستطيلة وقسمت كل صينية الى الثلث والثلتين فكده حصلت

على 2 مربع والقطعتيت الباقين برضوا يعملو واحدة كمان مربع مقادير الكيك

الاسفنجى موجود هنا فى تورتة بالطو الطبيب

( طريقة عمل تورتة على شكل بالطو الطبيب بالصور )

وهنحتاج الى كريم شانتى ملون باللون البينك الروز

الاول نقطع المربع الى نصفين ونحشى كريمة 

ونضع كمان طبقتين مثلا حسب الارتفاع اللى احنا عاوزينة

انا عملت الامربعين يعنى 4 راقات كيك 

وبعدين نقسم واحد من العمود اللى اخدناة من الصينية

اللى هوة الثلث ونقسمة برضوا ونحشى كريمة 

وبعدين نعمل مربع اصغر ونغلفها كلها بالكريمة يارب تكون واضحة 

وهنا نحتاج الى كونو البسكويت بتاع الايس كريم انا بشترية جاهز

علشان نعمل الاعمدة اللى فى البيت وايضا نحتاج الى ويفر زى لواكر مثلا

علشان نعمل الابواب والشبابيك  واى حلوى ممكن مالتيزر او مارشيملو

انا حطيت مارشيملو قلوب

هانحط الكونو على الاطراف هنحتاج الى 5 وحدات 

وبالشيكولاتة الخام نسيح جزء ونحطها فى كورنية

من ورق الزبدة قرطاس صغير يعنى ونحدد الابواب والشبابيك 

والمارشيملو عملة زى السور طبعا التزين حسب الرغبة

وبالهنا يارب تنال اعجابكم
منوس ننوس
منى عبد المنعم

ودى صورة تانية