كيك بوبس (مصاصات الكيك) فكرة جديدة سهلة بالتفصيل مطبخ منى

طريقة العمل والتحضير

هنا نحتاج الى اى نوع كيك تحبوة ومتوفر عندكم انا كان عندى كيك شيكولاتة مكان تورتة سيارة برق بنزين لان طبعا كنت عاملة شغل نحت هههههه

شيلت بواقى الكيك دى فى كيس فى الفريزر وقلت اعمل لكم بية الوصفة دى هنحتاج فقط الى الكيك وعلبة قشطة نستلة او بوك اى نوع تفضلونة للحلويات وشيكولاتة خام سايحة للتزين وبعض الفورماسيلا حسب الرغبة

طريقة العمل

اولا نفتت الكيك باليد

ونضع القشطة علية وهنا هانستعمل اليد تعجنها كويس مع بعض

الى ان نحصل على كيك يشبة العجين متماسك وطرى وكمان ممكن تضعوا اى مكسرات او قطع شيكولاتة حسب الرغبة بس اعتقد كدة احلى

نبدأ نشكلها الى كرات متوسطة

ونحتاج الى اعواد خشبية او الاعواد المخصوص للكيك بوبس حسب المتوفر والشيكولاتة خام سيحتها فى الميكرويف

هنا نضع العود الخشبى فى الشيكولاتة

ونغرسة فى الكرات حتى تتماسك ونضعها فى الثلاجة شوية تتماسك

ثم ناخد عود عود من الكيك ونضعة فى الشيكولاتة علشان نغلفها من برة بالكامل ونضع فورماسيلا حسب الرغبة ونتركها تتماسك وتقدم لذيذة جدا وسهلة

وتقدم بالهنا
منوس ننوس
منى عبد المنعم

ودى صورة تانية