دة دجاج محشى رز مع لحم مفروم وخلطة طبعا فى ناس بتعملة بالكبد بس انا بفضل اللحم المفروم حسب الرغبة طبعا
طريقة التحضير والعمل
هنا نجيب دجاجة ونغسلها كويس جدا ونتبلها فى وعاء الخلاط نضع (بصلة كبيرة مع عصير ليمونة كبيرة او 2 مع حبة واحدة فلفل اخضر وحبة واحة طماطم ونصف كوب ماء مع ملح وفلفل وبهارات حسب الرغبة) ونخلطهم كويس ونضع الدجاجة فى كيس ونصب عليها الخلطة وتوضع فى التلاجة من الليل الى الصبح
هنا نبدا فى تحضير الحشو نضع لحمة مفرومة مع شرائح من البصل مع معلقة سمنة ونشوحهم كويس ونضيف ربع كوب ماء وطبعا ملح وفلفل
ثم نضيف مكعبات طماطم وجزر مبشولر وخضرة (بقدونس وشبت وكزبرة ) ونقلبهم كويس ثم نضيف قليل من الارز المفروض ربع او نصف كوب بالكتير بس انا زودت علشان ما تبقى من الارز نسوية ونقدمة مع الدجاج وطبعا يكون الرز منقوع قبلها
نبدا نحشى الدجاجة من الداخل كويس جدا بالشكل دة وندهن زبدة ما بين الجلد واللحم ومن الخارج ايضا
ونكتف الدجاجة بالشكل دة ونضع عود خشبى فى الاجنحة علشان نثبتها ومن تحت ايضا بالشكل اللى فى الصورة ونحضر قارب فرن ونضع فية شرائح من البطاطس والبصل والطماطم والجزر والفلفل ونضع الدجاجة عليها مع ورقة لورة ونضع التتبيلة بتاعت الفرخة من الاول على القارب مع نصف كوب من الماء المغلى ونغطى القارب بالفويل وندخلة الفرن حوالى ساعة ثم نرفع ورق الفويل ونتركة نصف ساعة اخرى
ودة شكلها بعد ما استوت
تقطع وتقدم مع الارز الى فى الداخل والارز الفائض المستوى والبطاطس
مع أطيب أمنياتى بشهيه طيبه منوس ننوس ( منى عبد المنعم )
تعليقات
إرسال تعليق