طريقة تخزين البسلة الصحيحة بالصور من مطبخ منى

بما ان اليومين دول وقت تخزين الخضار متوفر بكمية كبيرة

هاشرح ليكم طريقة تخزين البسلة الخضراء

طبعا دة شكلها عبارة عن قرون خضراء بنشتريها ونفصصها يعنى نستخرج حبوب البسلة 

بهذا الشكل

انا بحب اعمل معاها مكعبات جزر اصفر ممكن بيها وممكن بدون حسب الرغبة

نقلبهم كويس 

نضع على النار قدر كبير بة ماء نتركة يغلى ثم نضع البسلة والجزر يا دوب دقتين اول ما يغلى يقلب مرة واحدة نصفيها تحت ماء جارى للاحتفاظ بلون الاخضر الحلو 

وتصفى جيدا وتترك تبرد قليلا ثم تعبأ فى اكياس ثلاجة نايلون الكمية حسب الاستخدام وليكن الكيس نصف كيلو مثلا
انا بحب اضغط على الكيس واعملة بالشكل دة علشان ما ياخدش مكان فى الديب فريزر شايفين شكلة وهوة فى الدرج منظم ازاى ومش بياخد مكان 

ودة شكل الكيس النهائى نحتفظ بية فى الفريزر لحين الاستخدام نطلعها ونستخدمها مثلجة بدون ما نتركها تفك
تحياتى لكم منوس ننوس (منى عبد المنعم)