أسهل وأسرع تراميسو كيك بالصور والتفصيل بطريقة الشيف منى

وصفة التراميسو من الوصفات السهلة وطبعا فى الغالب بتتعمل

باصابع بسكويت السافوار بس المرة دى هنا انا هاعملة بقطع الكيك

نحتاج الى

المقادير والمكونات

كيك اسفنجى او اى نوع كيك متوفر

2 ظرف كريم كراميل البودرة فقط

2 معلقة كبيرة حليب بودرة

2 ظرف كريم شانتى دريم

معلقة صغيرة جيلاتين بودرة او شريحة واحدة فقط جيلاتين شرائح

ولو هانستعمل الشرائح يبقى ننقعها قبلها بربع ساعة فى ماء عادى

علبة قشطة نستلة او بوك للحلويات 

كوب نسكافية بالحليب او قهوة حيب الرغبة

انا بفضل النسكافية وبعملة غامق وبالحليب

معلقتين سكر بودرة كبار

ونحتاج حوالى نصف كوب حليب اخر ربع دافئ وربع عادى

معلقتين بودرة كاكاو للتزين 

طريقة العمل والتحضير

هنا طبعا انا كنت ناقعة الجيلاتين فى ماء عادى علشان يطرى

نشيلة من الماء العادى ونذوبة فى ربع كوب حليب ساخن 

ونقطع الكيك الى شرائح طولية بهذا الشكل الكيك دة كان عندى فى الفريزر

باقى من تورتة ما استعملتش الجزء دة فكيستة وشيلتة فى الفريزر

نحضر الخليط اولا نضع بودرة الكريم شانتى والكريم كراميل

والسكر والنيدو ونضيف ربع حليب ونبدا نخفق 

الى ان نحصل على هذا الشكل 

نضيف القشدة والجيلاتين ونخلط الى ان نحصل على خليط كريمى ناعم 

نحضر قالب او صينة تشيز كيك لو مش متوفرة ممكن نبطن قالب بالنايلون

بهذا الشكل ونترك النايلون طالع من الجوانب ونرص شرائح الكيك 

ونسقيها كويس بالنسكافية 

ونضع جزء من خليط الكريمة 

ونكرر تانى طبقة كيك ثم نسقيها ثم طبقة خليط  الكريمة

ونترك جزء للتزين انا هنا حطيتة فى قمع حلوانى براس سادة

والخطوة دى حسب الرغبة ممكن تستغنوا عنها

وتفردوا كل الكمية عادى بس هى بتدى شكل جمالى 

نبدا نعمل خطوط طولية بالورب بالميل يعنى بهذا الشكل 

ثم نرش كاكاو خام بودر على الوجة بهذا الشكل

ونغلق النايلون ونضعها فى الثلاجة تتماسك 

ودة شكلها من الجوانب طبعا نرفعها من القالب

ونضعها على طبق التقديم ونسحب النايلون برفق 

وهنا نقطعها وتقدم 

ودة الشكل النهائى بالهنــــــــــــــــــا
منوس ننوس
منى عبد المنعم