طريقة عمل ملوخية خضراء بالتفصيل من طبخات الشيف منوس

طبعا بنجيب الملوخية الخضراء ونقطفها ونعملها بالطريقة اللى هنا وممكن لو تحبى تخرطيها عادى بالمخرطة

وهتلاقوا الطريقة مفصلة وبالصور هنا (طريقة تخزين الملوخية)

انا عن نفسى اختصارا للوقت بعملها كدة وعند الحاجة استعمل على طول هنا كيس الملوخية اللى سبق وعملتة

بطلعة من بلليل واحطة على الرف فى الثلاجة شايفين لونها اخضر وحلو ازاى طبعا بنكون سلقين فراخ او ارانب حسب الرغبة انا هنا دى شوربة دجاج اخد الشوربة واغليها على النار

واول ما تغلى اضيف الملوخية ونقلب كويس ملاحظين الريم الابيض دة نشيلة كل ما يظهر وطبعا نضبط الملح والفلفل حسب الرغبة

وهنحتاج الى معلقة كسبرة ناشفة وثوم مفروم ومعلقة سمنة علشان نعمل التقلية الخاصة بالملوخية

هانسخن السمنة كويس ونضع الثوم مع الكسبرة وبسرعة نطشة او نضعة على الملوخية ونقلبها وبالهنا 

ملحوظة الملوخية لازم ما نغطى الحلة يعنى نتركها بدون غطاء لان لو غطينها هاتسقط يعنى الملوخية هاتفصل عن الشوربة وتقدم بالهنا

منوس ننوس

منى عبد المنعم