عمل جاتوه سواريه قلوب ريد فيلفت بالصور بطريقة الشيف منوس ننوس

دة نوع من الكيك معروف بالريد فيلفت طبعا المميز فية اللون الاحمر

وانهاردة عملتة بشكل جديد على شكل جاتوة سوارية وقلوب تنفع لاى مناسبة سعيدة
 

المقادير
2 بيضة + فانيليا
ثلث كوب زبدة
كوب إلا ربع سكر
كوب دقيق
معلقة كبيرة باكينج بودر
ثلث كوب حليب
لون احمر

طريقة العمل
نتبع نفس الطريقة العادية نخفق الزبدة مع السكر ثم البيض والفانيليا

ثم الدقيق والحليب والبودر كلة مع بعض واللون الاحمر

الى ان نحصل على خليط كيك بهذا الشكل

 

نختار بقة اى نوع صينة مستديرة او مستطيلة قصيرة الحافة حسب الرغبة

انا عملتها فى صينية البيتزا وطبعا نبطن الصينية بورق زبدة

 

وندخلها الفرن مش بتاخد وقت كتير

 

هنا انا هعمل صوص طبقة تانية نحطها على الكيك

شبيهة بالموس مثلا علشان نعمل السوارية وطبعا ممكن احلال وابدال حسب الرغبة

نحتاج الى كوب حليب مع نصف كوب لبن مكثف محلى

مع باكو جيلى اى نكهة تفضلونها

نسخن الحليب وندوب فية الجيلى

ونضيف الية الحليب المكثف المحلى ويصبح بهذا الشكل

انا بصراحة بحبها بالاناناس هاتكون كريمى اللون

لكن المتوفر كان الفراولة عملت بية علشان يمشى مع القلوب

نصب الخليط دة فوق الكيك وهوة فى الصينة وندخلها الثلاجة تتماسك كويس

وهنا شكلها بعد ما تماسكت

هنا انا جبت قطاعة قلب صغيرة ونبدا نقطع القطع بهذا الشكل

 

الى ان ننتهى من الصينة كلها

 

طبعا البواقى دى نخليها نعمل بيها ترافيل عادى خالص

 

وهنا انا سيحت شيكولاتة خام بيضاء للتزين نزين الوحدات حسب الرغبة

 

وهنا شكلها من قريب

 

وبالهنا يارب تعجبكم
منوس ننوس
منى عبد المنعم