تورتة التونة على شكل قلب بالصور للشيف منى عبد المنعم

دة نوع من التورتات بس المرة دى تورتة حادقة لذيذة جدا للعشاء

وطبعا لكى حرية الاختيار فى انواع الحشوات وايضاً فى القالب اللى عاوزين

التورتة تاخد شكلة نبدأ بسم الله

هنا المقادير مرنة يعنى بدون معايير محددة نحتاج الى
قالب توست طرى وننزع الاطراف البنية
مايونيز وجبنة كريمى او كيرى اى نوع كريمى
2 علبة تونة مصفى من الزيت
وخيار مخلل
زيتون شرائح وفلفل اخضر

وجزر مبشور وخس مقطع

وبصل مقطع وكاتشب للتزين

وطبعا ملح وفلفل اسمر وعصرة ليمون

هنا التونة وطبعا بهاراتها

وهنا كوكتيل الخضار

طريقة العمل
انا هنا اخترت قالب على شكل قلب نبطنة بالنايلون
ونبدأ نرص طبقة من العيش التوست بشكل منظم وندهن التويت بعد رصة بالمايونيز

ثم نضع طبقة تونة ورشة مشكلة من الخضروات بهذا الشكل

ثم توست ثم ندهنة تانى بالمايونيز ثم نفس الخلطة ثم توست
بكدة نحصل على 3 طبقات توست وطبقتين حشو

نضغط عليها كويس جدا نكبسها يعنى باليد
ثم نحضر طبق التقديم ونقلبها وننزع النايلون

ثم ندهنها تانى بالمايونيز وتزين حسب الرغبة وهنا انا استعملت الكاتشب فى التزيين
ودوائر الكريمة دى عبارة عن الجبن الكريمى ومخلوط بمعلقة صغيرة مايونيز
ونضعة فى كورنية ونزين حسب الرغبة

ودة شكلها النهائى بجد طعمها رائع جدا ومناسبة للعشاء بالهنا
منوس ننوس
منى عبد المنعم