طريقة عمل سويسرول شيكولاتة بالصور والتفصيل مطبخ منى

المقادير
4 بيضات + فانيلا + عصرة ليمون
كوب الاربع دقيق
ربع كوب كاكاو خام
معلقة بودر صغيرة
كوب الاربع سكر ناعم بودرة
معلقة ماء مغلى

طريقة العمل
نخفق البيض والماء والليمون والفانيلا والسكر الى ان يصبح هش وكريمى بهذا الشكل

ننخل الدقيق والكاكاو والبودر

ونضيفة ونقلب برفق الى الخليط من تحت لفوق الى ان نحصل على خليط الكيك

الخطوة دى بقة اضافية انا اليوم دة كنت عاملة 2 مقدار واحد ابيض وواحد بنى علشان هعمل اسطوانتين سويسرول فأخذت معلقتين من الخليط الابيض ورسمت بية خطوط عشوائي على الصينية المبطنة بورق الزبدة وحطيتها فى الفريزر دقائق جمدت بالشكل دة

وصبيت عليها خليط الكيك البنى انتم عادى عدو الخطوة دى مفيش مشكلة ولو تحبو تعرفوا ازاى تتطبعوا اشكال مختلفة الطريقة بالتفصيل من هنا

(صور أشكال سويسرول مطبوعة)

(سويسرول بشكل قوس قزح)

نضع الصينية فى الفرن عشر دقائق بالكتير لانة لا يأخذ وقت وعلشان ما ينشفش ويكون طرى وسهل اللف

هنا انا قلبتة بس علشان تشوفوا الشكل المفروض ارج اعدلة تانى على سكر بودرة مرشوش على ورقة زبدة نظيفة او فوطة مبلولة ماء بسيط علشان ما تلزقش هى الرسمة طلعت ضعيفة شوية لانى ما كترتش

بعد ما تلفة فى الورق نتركة يبرد تماما ثم نفردة تانى ونحشية كريمة

ونرجع نلف تانى بدون الورقة

وهنا انا عملت صوص شيكولاتة عبارة عن حليب مكثف محلى وشيكولاتة خام سايحة حوالى نصف كوب شيكولاتة ومعلقتين كبار لبن مكثف محلى ومعلقة حليب هادى المقادير نسبية نزود نقلل حسب السمك المطلوب للصوص