عمل تورتة كريمة على شكل شنطة يد لعيد الأم بالصور لمنى عبد المنعم

دى تورتة سهلة وسريعة عملتها بمناسبة يوم الام وكل عام والجميع بخير وبما انة عيد الام ففكرت أعملها على شكل حقيبة يد بيضاء (شنطة يد) كنوع من الهدية
عملت مقدار كيك اسفنجى ومقدار كيك شوكليت كنتاكى على سبيل التنويع فى الطعوم

أولاً: مقادير الكيك الاسفنجى
كوب سكر ناعم بودرة
كوب دقيق منخول + معلقة باكينج بودر صغيرة
كوب بيض + فانيليا وعصرة ليمون  حوالى 5 بيضات
معلقة كبيرة ماء مغلى

طريقة العمل
نخفق السكر والبيض والماء والفانيليا

 

الى ان يصبح هش وكريمى بالشكل دة ملاحظين الفرق

 

نبدأ نضيف الدقيق مع البودر على دفعتين ونقلب من فوق لتحت بخفة حتى نحتفظ بكمية الهواء

 

الى ان نحصل على خليط كيك رائع نبطن صينية فرن مستطيلة مقاس 26 بورق زبدة ونصب فيها الخليط وندخلها فرن حار حوالى نصف ساعة

ثانياً: مقادير الكيكة البنى الشوكليت
كوب حليب
كوب سكر عادى
2 كوب دقيق
2 بيضة +فانيليا
نصف كوب كاكاو
نصف كوب زيت
معلقة صغيرة باكينج بودر
معلقة صغيرة باكينج صودا (بيكربونات) او ما يعرف بالكربوناتو

طريقة العمل
نخلط المقادير السائلة مع بعض كويس ثم نضيف عليها المقادير الجافة ونقلب بمضرب يدوى

نصب خليط الكيك فى نفس الصينة اللى عملنا فيها الكيكو الاسفنجية

 

وندخلها الفرن حوالى نصف ساعة ونتركهم يبردوا خالص ونقسم كل كيكة الى نصفين ونضع بالتبادل طبقة بنى ثم كريمة ثم طبقة بيضاء وهكذا وطبعا ممكن نحشى كمبوت مكسرات حسب الرغبة

 

وهنا دى اول طبقة ونراعى وضع قطع من ورق الزبدة على اطراف الكيك من تحتها علشان لما نخلص تزين نسحب الاطراف دى وبكدة نحافظ على نظافة الطبق بالشكل الموضح فى الصورة وهنا شكل الطبقات بالتبادل

 

وهنا شكلها من فوق

 

نغلفها بالكامل بالكريم شانتى الابيض

 

وانا هنا هعمل شكل شنطة اليد الكابوتنية بالشكل دة ببدأ ارسم بطرف السكينة الشكل اللى انا عاوزاه بالشكل دة مجرد تحديد

 

ثم اضع باقى الكريمة فى قمع بفتحة صغيرة جدا بدون نقشة وامشى على الخطوط اللى انا عملتها بالشكل دة

 

كدة ابتدت الفكرة توضح انا هنا هكمل تزين حسب الرغبة طبعا لو حابين نعمل الشنطة اى لون تانى او اى تزين حسب الرغبة هنزود حبات اللولى فى الزوايا وهعمل لها يد بالشكل دة

 

يارب تكون عجبتكم الفكرة وهنا انا حبيت تشوفوا شكلها من جوة بعد التقطيع

وتقدم بالهنا
منوس ننوس
منى عبد المنعم