طريقة عمل مربى الجزر بالصور والخطوات مطبخ شيف منى عبد المنعم

المقادير
كيلو جزر مبشور
كيلو سكر
عصير ليمونة او ربع معلقة ملح ليمون
عود قرفة وقرنفل (اختيارى) بس بيخلو الطعم مميز

طريقة العمل
هنا دة الجزر قشرتة وغسلتة

 

نحتاج نبشرة طبعا ممكن نستعمل المبشرة العادية او لو متوفر محضرة الطعام هنا انا بستعمل محضرة الطعام بركب الشريحة الخاصة بالبشر

 

نقفل الغطاء ونبدأ ببشر الجزر

 

وهنا دة شكلة بعد ما انتهيت من البشر

 

نحضر طبق عميق ونضع السكر مع الجزر فى طبقات متبادلة يعنى طبقة من الجزر ثم طبقة من السكر

 

بالشكل دة مع مراعاة اخر طبقة تكون سكر

 

نضعة فى الثلاجة مدة لا تقل عن 6 ساعات او من الليل للصبح وبيكون دة شكلة السكر بيدوب والجزر بيجيب المية اللى فية بالشكل دة

 

نسكبة فى حلة كبيرة ونضعة على النار ولما يغلى لو عمل ريم (وش) ننزعة بالمعلقة ثم نضع الليمون ونتركها تستوى على نار متوسطة مع تقليبها من وقت لأخر حوالى نصف ساعة أو بمعنى أصح لما نختبر العسل بتاعها

 

وهنا دى افضل طريقة لاختبار العسل نضع طبق زجاجى فى الفريزر لمدة ربع ساعة مثلا الى ان يصبح مشبر ومثلج بالشكل دة

 

ناخذ معلقة من العسل بتاع المربى ونضعة على الطبق

ونميل الطبق لو العسل كرمش يعنى عمل تعريج كدة او شكلة يكون تقيل دة معناة ان المربى خلاص تمام كدة جاهزة

اما لو ميلنا الطبق وكان العسل سائل خالص نتركها كمان شوية ونرجع نعمل الاختبار دة تانى

وفى النهاية نضع القرفة والقرنفل ونقلبها تقليبة ونطفى النار ونتركها تهدى تماما وتبرد وتعبأ فى برطمانات معقمة ونظيفة وتحفظ فى الثلاجة بالشكل دة وبالهنا

منوس ننوس

منى عبد المنعم