طريقة عمل طبقات سينامون كيك بالصور والتفصيل مطبخ شيف منى عبد المنعم

دة نوع من الكيك محشو بطبقات متبادلة من القرفة لذيذ وسهل وفكرة جديدة

المقادير

2 كوب دقيق

كوب حليب

كوب زيت

5 بيضات + فانيليا

كوب ونصف سكر

معلقة كبيرة باكينج بودر

قرفة مطحونة حوالى نصف كوب

طريقة العمل

نخفق السكر مع الزيت

ثم نضيف البيض والفانيليا ونخفق

نحصل على خليط كريمى نضيف الحليب ونخلط

ثم الدقيق والبودر ونخلط

نحصل على خليط كيك سائل نسبيا يشبة البان كيك

نبطن صينية فرن بزبدة او اى مادة دهنية ودقيق ثم نضع بالمغرفة طبقة من خليط الكيك

ونكون مشغلين الفرن من تحت قبل بوقت وتوضع حوالى عشر دقائق ونختبرها بعود خشبى  ثم نطفى الفرن من تحت ونشغل الشواية ودة شكلها

هنا دى القرفة المطحونة

نرش بالمصفة السلك اليدوى رشة قرفة فوق الكيك

ثم نضع طبقة اخرى من خليط الكيك رقيقة يا دوب تغطى القرفة وتوضع مرة اخرى فى الفرن تحت الشواية مع مراقبتها لانها يا دوب خمس دقايق ونخلى بالنا

ودة شكلها بعد الشواية

نرجع نحط تانى قرفة ثم خليط كيك وتوضع فى الفرن وهكذا بنعمل حوالى من 5 الى 6 طبقات ودة شكلها

نشيلها من الصينة وبيكون شكلها كدة من جوة بعد التقطيع

تزين حسب الرغبة ممكن بخطوط من الشيكولاتة بس انا هنا عملت ليها صوص السينامون الابيض لانة مناسب جدا ليها وطريقتة بالتفصيل من هنا

(طريقة صوص السينامون الأبيض بالدخول هنا)

ويقدم

وبالهنا يارب تعجبكم

منوس ننوس

منى عبد المنعم