تحضير بطاطس بيورية وسر الطعم مصورة بالتفصيل للفطور مطبخ منوس ننوس

اسهل طريقة للبطاطس البيورية طبعا فى طرق تانية ليها بس دى طريقتى ياريت تجربوها هاتعجبكم ان شاء الله .. مع العلم فيه ناس بتسميها بطاطس مهروسة وهى أيضاً البطاطس البيوريه

طريقة العمل

نحتاج الى كمية من البطاطس المقشرة ونقطعة شرائح عادية

نضع البطاطس فى حلة على النار مع كمية ماء كافية تغمر البطاطس ونتركها حتى تسلق تماما مع رشة ملح

نصفيها من الماء مع ترك جزء بسيط فقط ما يعادل معلقتين من الماء فقط

نهرسها جيدا مع اضافة كمون مطحون وفلفل اسمر ونضبط الملح

هنا دة سر البطاطس البيورية على طريقتى نحتاج الى سمنة بلدى مقدوحة سمنة وليس زبدة نسخنها كويس جدا على النار لتصبح بهذا الشكل بيضاء

نسكبها على البطاطس البيورية ونقلب واحنا بنضيفها نخلى بالنا لانها بتعمل صوت وطرطشة يعنى نسكبها بحذر وعند التقديم نسلق بيض ويقطع الى شرائح ويقدم معها لذيذة جدا واستمتعوا بأحلى بطاطس بيورية بدون اضافة حليب ولا كريمة

وتقدم بالهنا تؤكل بالخبز مناسبة للعشاء او الافطار او حتى فى غداء من باب التغيير مع اطباق اخرى مثل التونة او طبق حمص او فول وطعمية حسب الرغبة
بالهنا
منوس ننوس
منى عبد المنعم