طريقة عمل محشى البصل بالصور والتفصيل والخطوات من طبخات منوس

محشى البصل ممكن ناس تستغربة واكيد كتير مننا عارفينة برضوا بس الصراحة هو من انواع المحاشى اللذيذة بنعملة بنفس طريقة خلطة المحشى العادى

طريقة عمل خلطة المحشى

وهى عبارة عن بصل مشوح فى معلقتين زيت وفصين ثوم وعليهم عصير طماطم كمية حلوة مع معلقتين صلصلة ويتركوا يتسبكوا تماما

وطبعا تشكيلة خضرة بقدونس وكزبرة وشبت مفرومين والرز المنقوع والمصفى مع اضافة ملح وفلفل وكزبرة ناشفة وشطة

دى كدة الخلطة اللى هانحشى بيها 

نيجى بقة للبصل نقشر البصل انا هنا عملت حاجة بسيطة مع تشكيلة محاشى بنقشره بالشكل دة

ونسلق البصل فى ماء بملح مش سلق تام فقط نصف سلق علشان نقدر نفك حلقات البصل

وبعدين نحطة فى ماء بارد ونبدأ نفكه بالشكل دة على شكل اكواب

نبدأ بحشوها بالخلطة السابقة

طبعا البصلتين عملوا شوية معقولين ودة شكلهم مع باقى المحاشى

نسوية بالطريقة المعتادة ويقدم بالهنا
منوس ننوس
منى عبد المنعم