أسهل جمبرى بانية كرسبى مقرمش بالتفصيل مصورة وصفات منوس ننوس

الطريقة دى رائعة للحصول على جمبرى بانية كرسبى مثل الجاهز بالضبط

نحتاج الى خلطة عبارة عن

المقادير

معلقة صغيرة من كل مما يلى

ملح - كمون  - بابريكا -ثوم بودرة  - بصل بودرة - كركم -شطة لو تحبوة سبيايسى

ومعلقة كبيرة نشا الذرة

ونصف كوب دقيق

نخلط التوابل والنشا مع بعض ثم نضيف الدقيق

ونقلب ثم نبدا فى اضافة ماء الى الخليط حوالى نف كوب بس بالتدريج ممكن يقل شوية لنحصل على خليط يشبة خليط البان كيك لا تقيل ولا خفيف

نكون مقشرين الجمبرى ونغسلة كويس ونضعة فى التتبيلة اقل شئ ساعة وممكن يبات فى التتبيلة حسب الرغبة ليتشرب النكهات

وهنا شكلة بعد التتبيل

للقلى نجهز حلة بغطاء او قلاية البطاطس او حلة الضغط ونضع فيها كمية من الزيت

ونحتاج الى دقيق فقط

ناخذ الجمبرى واحدة واحدة ونضعة فى الدقيق بدون الضغط علية ومن الدقيق على الزيت مباشرة يعنى اللى نعملها نحطها مانسيبهاش على جنب

وهنا شكلة وهوة فى الزيت نغطى علية

ونتركة خمس دقائق او 7 دقائق فقط

شايفين الجمال كرسبى جدا ومش بيشرب زيت نهائى وطعمة رائع ويقدم بالهنا مع رز ابيض

بالهنا

منوس ننوس

منى عبد المنعم