دة صوص كريمة الشيكولاتة تشبة النوتيلا الى حد كبير وممكن يضاف اليها بندق مجروش وتستعمل فى حشو الكيكات او مع الايس كريم والترايفل والبروفترول وغيرها من الاطباق وعلى سبيل المثال شرحت مسبقاً طريقة عمل كيك الفانيليا بحشو كريمة الشيكولاتة تقدروا تشوفها بالضغط على اسم الوصفة الأزرق السابق
واليوم هنحضرها بطريقة سهلة جدا ومكونات متوفرة فى المنزل نبدأ بسم الله
المقادير
كوب من الحليب
كوب من السكر لو الكاكاو المستخدم خام اما لو محلى نققل السكر الى كوب الاربع او نصف كوب
ربع كوب كاكاو خام او نسكويك
كوب زيت
طريقة عمل صوص الشيكولاته بالمقادير السابقة
سنضع الكاكاو والحليب والسكر فى وعاء الخلاط
ونخلط
ثم نبدأ نضيف الزيت على شكل خيط رفيع جدا من فتحة الخلاط وهو دة السر فى أن الصوص يكون كريمى وتقيل
ملاحظين الشكل ناعم وكريمى وبيلمع جدا
نحتفظ بيه فى برطمان زجاجى نظيف وتوضع فى الثلاجة لوقت الحاجة الصورة دى انا استعملت فيها كاكاو خام يعنى بدون سكر فكانت كريمة الشيكولاتة فاتحة شوية فى اللون
اما هنا انا عملته مرة تانية بكاكاو النسكويك فكانت غامقة بالشكل دة
وبالهنا
يارب تكون عجبتكم
مع تحياتــى
منوس ننوس
منى عبد المنعم
تعليقات
إرسال تعليق