أسهل طريقة لعمل المحوجة بالتفصيل والصور للشيف منوس ننوس

المحوجة نوع من النواشف او البسكويتات مشهورة عندنا فى مصر مناسبة للافطار جدا تعالوا نتعرف على طريقتها بالتفصيل

المقادير

نصف كيلو زيت ما يعادل 2 كوب

كيلو دقيق ما يعادل 8 كوب

نصف كيلو سكر بودرة ما يعادل 3 ونصف كوب

2 معلقة كبيرة خميرة نشادر وربع كوب تحويجة من عند العطار

وسمسم للوجة

وماء حسب الحاجة حوالى نصف كوب

اقرا ايضاعمل تورتة فاكهة كيوى وخوخ باسبونج فانيليا بالصور والخطوات التفصيلية للشيف منوس ننوس

اقرا ايضاطريقة عمل صنية بطاطس صحية دايت بالصور والخطوات للشيف منوس ننوس

اقرا ايضاطريقة عمل أفخاذ الدجاج المشوية (دبابيس الفراخ) بالصور والخطوات للشيف منوس ننوس

اقرا ايضاطريقة عمل عيش السرايا من التوست بالصور والخطوات للشيف منوس ننوس

طريقة العمل

دة شكل الكوب اللى بنعاير بية

الاول نضع الدقيق وننخل علية النشادر مع بودرة التحويجة الصفراء

ثم نضع الزيت ونعجن

ولو احتاجت ماء بسيط نزود الى ان تلم العجينة معاكى وممكن نضع مع الدقيق سمسم فى الداخل وممكن نكتفى بالوجة فقط

دة شكلها بعد العجن تفرد فى 4 صوانى انا عملهم فى 2 مربعين و2 مدورين بتوع البيتزا بتفرد بسمك سم واحد لانها بتنتفخ

ترش بالسمسم

وندخلها الفرن خمس دقايق لتتماسك ثم نطلعها نقطعها ونرجع ندخلها تانى تكمل سواء حوالى نصف او ربع ساعة حسب الفرن الموجود عندك وهنا شكلها

وتترك تبرد وتحفظ فى علب

وبالهنا

منوس ننوس

منى عبد المنعم