طريقة عمل تورتة الكريسماس بالصور والتفصيل شكل جديد لمنوس ننوس

كل عام والجميع بالف خير بمناسبة العام الجديد وتهنئة خاصة للاخوة الاقباط

المقادير

نصف كيلو دقيق اسبونج

6 بيضات +فانيليا وعصير ليمونة

نصف كوب ماء عادى

المقادير دى لصينية مقاس 26 بس انا عملتها فى 24 علشان تكون مرتفعة اكتر وبطنت الصينة بورق الزبدة من القاع ومن الجوانب بشكل مرتفع بذا الشكل

طريقة العمل

اسهل ما فى دقيق الاسبونج انك بتضيفى كل المقادير على بعض وتترك فى العجان او تخفق بالمضرب الكهربائى حوالى عشر دقائق الى ان تتضاعف ويبيض لونها

تصبح بهذا الشكل

تصب فى الصينة المعدة لذلك

وندخلها فرن حار مشغل مسبقا حوالى من نصف ساعة الى 45 دقيقة حسب فرنك ودة بيكون شكلها

رفعتها من الصينة ونتركها تبرد ثم ننزع ورق الزبدة

ملاحظين انها لونت شوية مفيش مشكلة دى البطانة ننضفها بالسكينة لتصبح بهذا الشكل

شايفين الارتفاع الجميل نغلفها بالنايلون والافضل تترك لتانى يوم فى الثلاجة لتتماسك ويسهل التعامل معاها

انا قسمتها 3 طبقات

وحشيتها كريم شانتى ابيض مع مربى مشمش لكم حرية الاختيار وكمان غلفتها بالكامل بالكريم شانتى معلش نسيت اصور بعض الصور كنت مركزة فى الشغل  وبعد التغليف نضع الاسباتيولا المعدن فى ماء ساخن جدا ونساوى سطح الكريمة لانى هاغلفها بعجينة السكر

هنا دى الالوان اللى هاتاحجها فى التغليف وكل الالوان دى انا اللى لونتها اشتريت عجينة سكر بيضاء جاهزة وانا بحب الون بالوان الجيل ماركة ويلتون طبعا هاعمل بابا نويل وايس مان وشجرة كريسماس فلونت الالوان المطلوبة وهنحتاج لادوات الفندان وقطاعة الرول ونشابة وسيلكون مات

 وهنا بعد ما لونت الفندان

هنا بس بوريكم ازاى لونتة مثلا اللون الاصفر بالعود الخشبى بضيف نقاط من اللون على العجينة

واعجنها بايدى الى ان نحصل على اللون دة وطبعا لكم حرية التحكم فى درجة اللون

فردتها وقطعت منها شكل نجمة وقبل ما افردها ضيفت للقطعة بودرة cmc بودرة خاصة لجعل عجينة السكر تجف ليسهل تثبيتها على التورتة

اول ما قطعتها غرزت فيها عود خشبى وتركتها تجف الى ان نكمل باقى الاجزاء هنا بعمل الشجرة باللون الاخضر واستخدام ادوات الفندان بتسهل كتير

بعد ما شكلتها كدة بشيل اداة الفندان واقصها بالمقص بالشكل دة

الى ان نحصل على شجرة ونضع فيها النجمة بالعود نثبتها بهذا الشكل

وهنا دة شوذ بابا نويل

وايس كاب ايس مان

ودة ايس مان

ودة بابا نويل

نكمل اليد والراس

بالشكل دة

العين كانت كبيرة شوية وانا صغرتها وطبعا بنلزق القطع بماء وسكر بودة زى الايسنج كدة بسيط جداوكمان عملت علبة هدايا

ابدا فى تغليف التورتة بعد ما غلفتها بالكريمة اخد جزء من اللون السماوى وافردة على المات سيلكون الى شريط طويل وعريض بعرض جوانب الكيك وارتفاعة من الجوانب فقط

ونثبتة على الكيك ونمشى عليها بالمكواة المخصوصة واذا لم تتوفر ممكن براحة اليد

ثم ناخذ جزء ابيض ونفردة دائرة ثم بالعجلة نعملها معرجة من الاطراف

لتصبح بهذا الشكل

نثبت الاشكال والمجسمات بالشكل المراد حسب الرغبة وانا كتبت عليها كمان اللى بالاصفر بالقطاعات الحروف بعجينة السكر والابيض بالكريمة

اى رايكم انا صورتها كتير علشان تبان من كذا اتجاة اترككم مع الصور

يتبع

يارب تكون عجبتكم

بالف هنا

منوس ننوس

منى عبد المنعم