سر تحضير مينى بيتزا رول فى المنزل بالصور والخطوات والتفصيل مطبخ منوس ننوس

انهاردة فى الطريقة دى وهى طريقة رولات البيتزا  هاقولكم على سر جديد وجميل جدا بالنسبة للعجين

وهو اضافة المايونيز للعجينة بدلا من الحليب السائل او البودرة او الزبادى اذا لم يتوفر لديكى ايا منهم ممكن اضافة مايونيز وهو سيقوم بنفس عمل الالبان وهى ان العجين يكون طرى جدا وهش واسفنجى

طبعا ممكن اى نوع عجينة نتعامل معاها كدة باستبدال الالبان او الزبادى بالمايونيز

المقادير

2 كوب دقيق

ربع معلقة صغيرة ملح

معلقة سكر

معلقة كبيرة خميرة فورية جافة

معلقتين مايونيز كبيرة

ماء دافئ للعجن على حسب ما تلم معاكى العجينة

طريقة العمل

نضع المقادير الجافة والمايونيز

نضيف الماء بالتدريج مع استمرار العجن حتى نحصل على عجينة لينة لا تلتصق

نغلف العجين بالنايلون ونتركة يخمر

ودة شكلة بعد الخمر طبعا ملاحظين الفرق

هنا هانفرد العجينة الى مستطيل كبير تفرد على رشة دقيق

نكون محضرين حشو البيتزا مع اى اضافة تفضلونها جبن موزاريلا وفلفل وزيتون وكاتشب

ندهن العجينة بالكاتشب ونرش عليها جميع المكونات

بالضبط كانك بتعملى سينامون رولز

نبدا نلفها الى رول بالتدريج

بالشكل دة

نقطعها بالسكينة الى حلقات متوسطة

ونحضر صينية فرن وندهنا بالزيت ونمسك واحدة واحدة ناخذ طرفها ونضعة تحتها بالشكل دة

نتركها تخمر شوية وندخلها فرن حار جدا بتاخد حوالى ربع ساعة

هنا حبيت تشوفوا شكلها من جوة هشة جدا ومفتحة وطرية بس لسة سخنة البخار يغطى على الصورة 

وتقدم بالهنا لذيذة جدا فى العشاء او فى مناسبات اعياد ميلاد

تقدم بالهنا

مع تحياتى منوس ننوس

منى عبد المنعم