عمل فطير الجلاش او الفطير الكداب بالصور والخطوات بطريقة منوس ننوس

يسمى بالفطير الكداب لانة فى الاصل مش فطير لكن هوة جلاش معمول على شكل فطيرة وطعمة رائع جدا

لكم حرية الاختيار فى الحشوات حسب رغبتكم انا هنا عملتة بحشو البيتزا المعتاد

المقادير

لفة جلاش

مكعبات طماطم وفلفل وزيتون

جبن رومى وجبن موزاريلا

كوب كبير حليب مع 2بيضة وملح وفلفل وليمون

2 معلقة زبدة مذابة او سمنة

طريقة العمل

نحضر صينية وندهنها بسيط سمنة وناخذ ورق الجلاش واحدة واحدة ونرص نصفه فى الصينة ونصفه  للخارج بهذا الشكل

ولما ننتهى من الورق انا عملت اللفة كاملة علشان الصينية كبيرة ممكن تكتفوا بنص اللفة نصب نصف خليط البيض والحليب مع الملح والفلفل فى المنتصف

ونضع ورقة اخرى من الجوانب نقلبها يعنى ثم نضع جزء من الحشو فى الداخل

ونبدا بطى باقى الجوانب على الفطيرة

بالشكل دة ثم نضع سمنة مذابة وباقى خليط الحليب 

ثم باقى مكونات الحشو نضعها فوق

ندخلها فرن حار جدا بتاخد حوالى من عشر دقايق لربع ساعة بالكتير

نحصل على فطير شرقى رائع بالجلاش وبالهنا

منوس ننوس

منى عبد المنعم

ويقدم بالهنـا

منوس ننوس