طريقة عمل باتر كيك او الكيكة الدسمة بالصور والتفصيل مطبخ منوس ننوس

إنهاردة هشرح ليكم طريقة جديدة مطلوبة منى من المتابعين على رسائل صفحتنا على الفيس بوك والطريقة عن كيفية عمل الكيكة الدسمة أو كما يطلق عليها الباتر كيك أو كيكة الزبدة .. وفى الوصفة هنا هقولكم على سر جديد يجعل  سطح الكيكة متساوي تماماً بعد خروجها من الفرن .. وطبعاً زى ما احنا عارفين .. بنعرض ليكم الوصفة على مدونة عايزين ناكل مجربة ومعمولة بالصور والخطوات والتفصيل .. وأى إستفسار يرجى كتابته فى التعليقات بنهاية الوصفة

المقادير

كوب زبدة لينة فى حرارة المطبخ

6 بيضات + فانيليا + عصرة ليمون

2 كوب سكر ناعم الحبيبات

3 كوب دقيق

كوب لبن رايب اذا لم يتوفر ممكن استبدالة بكوب حليب عادى

معلقة كبيرة باكينج بودر

طريقة العمل

نخفق السكر مع الزبدة

ثم نضيف البيض والفانيليا والليمون

ونستمر فى الخفق الى ان تصبح هشة ثم نضيف الدقيق مع البودر واللبن دفعة واحدة

ونخلط الى ان نحصل على خليط كيك رائع

-

بهذا الشكل

هنا نبطن صينة فرن بورق الزبدة 

هنا هاقولكم على طريقة حلوة جدا علشان سطح الكيكة تعلى من كل الاتجاهات بنفس الارتفاع ويكون اطراف الكيك طرى جدا وهى عبارة عن حزام الصينة بمعنى اننا نلف الصينة كلها من الجوانب بفوطة مبلولة بالماء او ممكن ورق فويل نفردة ونضع فى الوسط مناشف مطبخ مناديل يعنى مبلولة برضوا بالماء ونغلق عليها الفويل تصبح كالشريط ويلف بيها الصينة يارب تكون الفكرة واضحة

انا هنا عملتها بفوطة مبلولة ماء وما تخافوش مش هاتتحرق بس لونها هايتغير شوية ولو خايفين يبقى اعملوها بالفويل

بالشكل دة 

ندخلها الفرن بتاخد حوالى 45 دقيقة ساعة إلا ربع ودة شكلها 

وهنا لما خرجت من الفرن

هنا شكلها من قريب

تقطع وتقدم بالف هنا 

مع تحياتـى

منوس ننوس

منى عبد المنعم