طريقة عمل سينا بارتس بيتزا هت بالصور والتفصيل والخطوات من حلويات منوس ننوس

تعتبر وصفة السينا بارتس أحد أنواع الاطباق الحلوة التى تقدم فى بيتزا هت وهى نوع من المعجنات بالقرفة والسكر والكراميل تشبة السينامون ولكن طريقة تشكيلها مختلفة تشكل عشوائيا وتكون عبارة عن قطع كثيرة حسب المقادير والرغبة

السينا بارتس ممكن تتعمل بأى نوع عجينة انتى تحبيها وتكون معتمدة عندك .. وانا هنا فى الوصفة دى عملتها بعجينة العشر دقايق مع اضافة بيضة وكوب زبادى فى المرحلة التانية

وطبعاً المتابعين لى على هذا الموقع يعرفون طريقتى فى عمل عجينة العشر دقائق الناجحة جدا .. أما للمتابعين الجدد هتلاقوا طريقة عمل عجينة العشر دقايق على الروابط التالية شرحتها اكتر من مرة بالخطوات والصور

(مقادير وطريقة عمل عجينة العشر دقائق الناجحة مصورة وبالتفصيل)

المقادير

عجينة العشر دقايق

قرفة وسكر

زبدة مذابة

صوص كراميل

طريقة العمل

دة شكل العجينة بعد الخمر

تفرد العجينة على رخامة مرشوشة بدقيق بسيط الى مربع كبير وندهنة بالزبدة ونرش سكر وقرفة

ثم يقطع مربعات صغيرة بهذا الشكل

نمسك مربع مربع ونقابل اطرافة مع بعض لنشكل كرة مغلقة غير منتظمة ترص فى صينة مدهونة ويكون الجزء المغلق لتحت وممكن نعملها فى صينة كيك مفتوحة من المنتصف بتدى شكل جميل برضوا حسب الرغبة

وهكذا الى ان ننتهى من الكمية كلها ندهنها كويس جدا بالزبدة

وترش بالسكر والقرفة وتترك تخمر وتخبز فى فرن حار لمدة ربع ساعة

بيكون دة شكلها وعند التقديم يرش عليها صوص كراميل

وطريقة عمل صوص الكراميل هنا على الرابط التالى

(( طريقة عمل صوص التوفى أو الكراميل بالصور والخطوات ))

وهنا شكلها من قريب من جوة هشة جدا

تقدم بالف هنا
مع تحياتــى لكم
منوس ننوس
منى عبد المنعم