تحضير جناش الشيكولاتة السهل فى المنزل بالصور للشيف منوس ننوس

المقادير

كوب كريمة لبانى

2 كوب شيكولاتة مبشورة خام

طريقة العمل

نسخن الكريمة اللبانى بدون غليان مجرد تسخين

ثم نضع الشيكولاتة ونطفى النار ونقلب الى ان تختلط وتسيح
وممكن لو فى ميكرويف نسيح الشيكولاتة ونضيفها متسيحة جاهزة حسب الرغبة

نقلب الى ان نحصل على صوص جناش رائع

الجناش لة 3 استعمالات وهى
1- اننا نستخدمة وهو سائل بس نتركة يبرد شوية ويستعمل لتغطية الكيكة حيث اننا نصبة عليها
2- اننا نتركة يبرد نهائى ويتماسك وبكدة يكون جناش متماسك يغلف به التورتات تحت عجينة السكر
3- بعد ما يتماسك ممكن نخفقة بالمضرب الكهربائى وبكدة يكون كريمة جناش يستخدم فى الحشو وممكن نزين بية وردات بكريمة الجناش
وهنا شكلة وهوة سائل

وهنا بعد ما تماسك وانا استخدمتة فى تغليف تورتة الكنبة وهو متماسك
ملحوظة هامة جدا
الجناش نتركة يتماسك خارج الثلاجة لا يوضع فى الثلاجة حتى لا يفقد لمعتة
يارب اكون افدتكم
بالهنـــا
منوس ننوس
منى عبد المنعم