طريقة عمل بطاطس شيبسى منزلى بطعم الجبنة على طريقتى بالصوروالخطوات

الطريقة سهلة وبسيطة 

فلعمل البطاطس الشيبسى فى المنزل 

وجعلها تكون مقرمشة وبأطعم ونكهات متنوعة نحتاج الى بطاطس مقشرة ونقطعها الى حلقات شيبسى رفيعة جدا انا بستعمل الكيتشن ماشين وممكن بالقطاعة اليدوى بتاعة الشيبسى .. وتابعوا معايا الخطوات

هنا شكل البطاطس بعد التقشير

ودى شكل الحلقة المعدن فى الكيتشن تستخدم للشيبسى

هنا بيكون شكلها بعد التقطيع

بنغلى ماء ونضع فية مثلا بهارات الشيبسى لو متوفرة طعم الجبنة او اى طعم تفضلونة لو متوفرة ولو مش متوفرة ممكن خل وممكن بدون اى اضافات نهائى حسب الرغبة لما تغلى المية نضع الشيبسى فيها يا دوب تأخذ غلوة نصفيها

ومباشرة على القلاية وممكن كمان نفرزها ونطلعها من الفريزر على القلاية زى الفارم فريتس كدة

واستمتعوا باحلى شيبسى منزلى بدون مواد حافظة وامن على اطفالنا وطعمة ولا اروع
بالهنــا
منوس ننوس
منى عبد المنعم