طريقة عمل كوكيز بالايسنج بالتزيين بالصور والخطوات لمنوس ننوس

اولا مقادير الكوكيز

كوب زبدة

نصف كوب سكر بودرة مطحون

بيضة + فانيليا

2 ونصف كوب دقيق

ثانيا مقادير الايسنج للتزين

دة مقدار كبير ممكن تقسموة على 2

كيلو سكر ايسنج ناعم جدا جدا المطحون فى المنزل مش هاينفع

ثلاثة ارباع كوب ماء بالاكواب المعيارية

معلقة كبيرة عسل جلوكوز

معلقة كريم تارتار او بودرة ايسنج انا استعملت بودرة مارينج

الوان طعام  اكياس حلوانى استعمال مرة واحدة لسهولة الاستخدام

طريقة عمل الكوكيز

نخفق الزبدة مع السكر

ثم نضع البيضة والفانليا ونخفق ثم الدقيق نحصل على عجينة بسكويت نلفها وتوضع فى الثلاجة نصف ساعة ثم تفرد بين ورقتين زبدة لازم

وتقطع بالاشكال المرغوبة انا عملت دوائر وفراشات وترص فى صينة فرن

بدون دهان الصينة وممكن كمان نضع ورق زبدة فى الصينة ودى الفراشات

وهنا شكلها بعد الخبز بتاخد ربع ساعة

ولونها من تحت

نتركة يبرد تماما
نحضر الايسنج
طريقة العمل
فى بولة نضع عسل الجلوكوز وبودرة المارينج وربع كوب ماء ونصف كوب من السكر ونخفق

الى ان يصبح بهذا الشكل

نبدأ فى اضافة السكر والماء المتبقى بالتدريج بهذا الشكل

الى ان ننتهى من الكمية المقداير دى مضبوطة بالضبط ومجربة كمية الماء مع السكرودة شكلة النهائى نعرف انة تمام اذا رفعتى المضرب وعمل علامة على سطح الخليط تختفى على طول مع باقى الخليط

هنا انا لونتة قسمتة على بولات صغيرة ولونت كل جزء سريعا علشان ما ينشفش واللى ألونة و يصب فى كورنية حلوانى بالشكل دة

نقص طرف الكورنيهات حتة صغيرة خالص لكى نتحكم فى الرسم وطبعا ابدعوا فى الرسم كيف ما تشاؤن بس الاصل فى الرسم تحديد الكوكير الاول بالايسنج

ثم ملئ الفراغات وممكن طرقها بسيط جدا على الطاولة علشان تكون متساوية

انا هنا مثلا عملت على الابيض خطوط بالبينك وبعود خشبى رايح جاى ادتنى الشكل دة

ونتركها تنشف على جنب وهنا شكل تانى

ودة كمان

وهكذا تفننوا حسب الرغبة وهنا الشكل النهائى من قريب

الفراشات

يارب يكون عجبكم وبالف هنا

مع تحياتى

منوس ننوس

منى عبد المنعم

 الشكل النهائى