عمل مينى جاتوة كيك بالشيكولاتة بالصور والخطوات للشيف منوس ننوس

دة نوع من انواع الكيك الناجح جدا الحمد لله وكتير من متابعينى اعتمدوة لوصفة كيك الشيكولاتة بس اهم حاجة فيها علشان تكون فخمة وحلوة وغنية استعمال كاكاو خام ماركة ممتازة درجة اولى غامق زى هنتز الالمانى مثلا

المقادير

كوب حليب

2 بيضة +فانيليا

نصف كوب زيت

كوب سكر عادى ناعم الحبيبات وليس مطحون

2 كوب دقيق

نصف كوب كاكاو خام

معلقة صغيرة باكينج صودا

معلقة كبيرة باكينج بودر

المقادير دى تكفى لعمل 9 جاتوة جحم كبير وممكن نصغر شوية تعمل 12

طريقة العمل

المقادير السائلة فو وعاء والمقادير الجافة فى وعاء اخر وهنحتاج الى 2 صينية قصيرة الحافة  زى بتاعت البيتزا ونبطنها بورق الزبدة بالشكل دة

نخلط بالويسك المقادير السائلة

ثم نضيف اليها المقادير الجافة مجرد خلط يدوى

نحصل على خليط كيك رائع بالشكل دة ولونة غامق

نقسم الخليط على الصنيتين بالشكل دة ونخبزها فى فرن حار عشر دقائق فقط

بالشكل دة

نتركها تبرد ثم نقطع الصنيتين بقطاعة دائرية الحجم حسب الرغبة كل صنية قطعت منها 9 دوائر

نضعها على شبكة

ونحضر كريم شانتى مخفوق ونضع طبقة على كل دائرة

ثم نغطيها بالطبقة الاخرى ونخلى وش الكيك لجوة ونصب عليها صوص شيكولاتة وتزين بقطعة فاكهة

وتقدم بهذا الشكل سهلة جدا وطعهمها جميل

بالف هنا
لا تنسونا بصالح دعائكم
تحياتـــــــــــــــــــى
منوس ننوس
منى عبد المنعم