كنافة بالمانجو والكريم باتيسير بالصور والخطوات للشيف منوس ننوس

اسهل طريقة لعمل كنافة بالمانجو اى رايكم فيها طبعا مش لازم نعمل المانجو وردة ممكن مكعبات عادى خالص

هنا انا استعملت حوالى نصف كيلو او اقل شوية كنافة لصينة مقاس 28

وحوالى 3 حبات مانجو زبدية طبعا اى نوع تحبوة بس الزبدية بيكون فيها لحم

حوالى نصف كوب سمنة سايحة سخنة

معلقتين سكر بودرة

للحشو كريم باسترى على كريم شانتى او ممكن كاسترد حسب الرغبة او ممكن كريم شانتى مخفوق بعصير المانجو

وشربات شيرة طبعا

الطريقة

نخلط السكر البودر مع الكنافة بعد ما نفتتها باليد ونضيف السمنة ونخلطها كويس

هنا فردت الكنافة فى صينة بيتزا مقاس 28

ودخلتها الفرن استوت كويس واول ما طلعت سقيتها بالسيرب

انا لو قلبتها هاتبقى متساوية اكتر بس مفيش مشكلة كدة كدة هاتتغطى بالكريم باتيسير طريقتة موجودة هنا

(الكريم الباتيسير)
لو تحبو تعملوة فى البيت بس انا كنت مستعجلة استخدمت بودر باسترى كريم جاهز يا دوب ضربتة بالحليب البارد وزودت معاه كريم شانتى كان رائع بجد

وهنا وزعتة على الكنافة

بالشكل دة وساويتة وبدات فى تقطيع المانجو ولازم تكون رقيقة على قد ما تقدرى علشان تديكى شكل الوردة الحلوة

بالشكل دة 

ونبدا ناخد شريحة شريحة ونلفها بالشكل دة

هنا دة قلب الوردة ناخد شريحة تانية ونوقفها بالتناوب الى ان تنتهى الكمية لنحصل على شكل الوردة
وطبعا ممكن مكعبات عادى خالص انا عملت واحدة وردة وواحدة مكعبات او اى شكل تحبوة
وبعدين نرش عليها سيرب تانى علشان تلمع
واللينك ده فيه طريقة عمل الشيرة او السيرب اضغطى عليه

(طريقة عمل الشيرة)
وهنا دة شكلها النهائى تقدم بالف مليون هنا لذيذة جدا وسهلة جدا
مع تحياتى
منوس ننوس
منى عبد المنعم