الطبق دة فظييييييييييع بجد انا سميتة كوكيز بار بالاوريو وال m m
ممكن برضوا نسمية كوكيز براونى عموما ايا كانت التسمية طعمة خرافة وبتعمل فى وقت قصير جدا
المقادير
كوب إلا ربع سكر ناعم الحبيبات
كوب زبدة لينة
2 بيضة + فانيليا
2 كوب دقيق
ربع كوب كاكاو خام غامق
معلقة صغيرة باكيينج صودا
ذرة ملح
2 باكو اوريو بسكويت او حسب الرغبة
2 باكيت ام اند ام
نصف كوب شيكولاتة شيبس
هانعملها فى صنية مقاس 30 فى 28 مربعة تقريبا
طريقة العمل
نخفق الزبدة مع السكرالى ان تصبح كريمة ثم نضيف البيض ونخفق
ثم ننخل جميع المكونات الجافة ونضيفهم للخليط السابق
ونخلط
نضيف الشيكولاتة الشيبس والاوريو ونصف الام أند ام
وهنا الاوريو ومتكسر طبعا
ونخلط بالاسباتيولا باليد
نحضر الصينية ونبطنها بورق زبدة ونضع الخليط ونفردة كويس
وهنا انا بحب ازود على الوش اوريو وباقى الـ m أند m وشيكوليت شيبس
وندخلها الفرن حوالى ربع ساعة
ونقطعها الى مربعات
وتقدم بالشكل دة
بالهنا
هاتعجبكم جدا بالف هنا
منوس ننوس
منى عبد المنعم
تعليقات
إرسال تعليق