كريمة الزبدة السويسرية (سوسيس بتر كريم) بالصور والتفصيل والخطوات للشيف منوس ننوس

كريمة الزبدة السويسرية نوع من الكريمات تستخدم لحشو التورت وتغليفها من الخارج وخصوصا تحت الفندان (عجينة السكر)

مميزات كريم الزبدة السويسرية انها ناعمة وكريمى جدا ولا يشترط فيها استعمال سكر بودر بنستعمل سكر عادى

دى كانت اول مرة اعملها وعجبتنى جدا جدا نبدا بسم الله

المقادير

نصف كوب بياض بيض ما يعادل 4 بيضات بياض فقط

كوب سكر عادى

كوب ونصف زبدة وممكن تزيد نصف كمان

فانيليا

نقطة خل

الطريقة

على حمام مائى نضع بياض البيض والسكر والخل ونخفق بمضرب سلك لمدة لا تقل عن عشر دقائق لضمان سلامة البيض وقتل الميكروبات

نستمر فى الخفق على الحمام المائى بهذا الشكل

نرفع البولة من الحمام المائى ونبدأ بخفق المزيج جيدا بالعجان او بالمضرب الكهربائى بهذا الشكل

الى ان نحصل على مارنج متماسك بهذا الشكل

نبدأ باضافة الزبدة على دفعات مكعبات بالتدريج

ونستمر فى الخفق شايفين الشكل بيتغير ازاى

ممكن تحسوا انها بتخف شوية لكن مع استمرار اضافة الزبدة بتكون متماسكة وهشة وناعمة جدا بدون ما تحسى بحبيبات السكر نهائى ودة شكلها النهائى
جربوها مش هاتندموا

وده تطبيق فى تورتة بإستخدام الزبدة على الوصفة التالية

طريقة عمل تورتة العمرة بكريمة الزبدة السويسرية بالتفصيل والصور
مع تحياتــى
منوس ننوس
منى عبد المنعم