طريقة جاتوة سوارية بدقيق الاسبونج
المقدار هنا لصنية صاج مقاس 30*25
انا عملت 2 مقدار واحد بالابيض فانيليا وواحد بالشوكليت
ربع كيلو دقيق اسبونج
3 بيضات +فانيليا
ربع كوب ماء
ربع معلقة صغيرة محسن جيل
طريقة العمل والتحضير
نضع كل المقادير مع بعضها دفعة واحدة ونضرب لمدة لا تقل عن عشر دقائق
هنا دة فى اول مراحل الخفق وهنا بعد خفق استمر مدة عشر دقائق
نبطن الصاج بورق الزبدة ونصب فية الخليط
يخبز فى فرن حار مدة لا تزيد عن عشر دقائق بالكتير ودة شكلها بعد السوا
نقسمها الى 3 مستطيلات وممكن اربعة علشان يكون الحجم اصغر طبعا الحجم بنتحكم فية حسب الرغبة
نكون مجهزين كريم شانتى نضع على اول طبقة كريمة ثم نضع الطبقة التانية فوقها وهكذا ممكن نكتفى بطبقتين فقط
بالشكل دة
ونغطى السطح بكريمة ونعمل اشكال فيها بالمشط الخاص بالكريمة او بشوكة او بسكينة حسب الرغبة
يوضع فى الثلاجة لحين التماسك ثم نحضر سكينة منشارية ونغمسها فى ماء مغلى وننشفها ونقطع علشان القطع تطلع متساوية ومنسقة
وهنا انا عملت واحدة تانية بنى
يقطع الى قطع متساوية وممكن باشكال قطاعات ويزين حسب الرغبة باشكال الفورماسيلا او الاسبرنكل والصوصات وتقدم حسب الرغبة وتقدم بهذا الشكل
مع تحياتى
منوس ننوس
منى عبد المنعم
تعليقات
إرسال تعليق