انهاردة هاقولكم على طريقة لشاورما اللحم بالضبط بالضبط زى الجاهزة وتحدى
جربوها وعلى ضمانتى وانا واثقة ان شاء الله انك هتتفاجؤ بالطعم
المقادير
نحتاج الى كيلو لحم احمر قطعة واحدة بلوك
معلقتين كبار خل
قطعة لية (دهن) لازم
ملح وفلفل وثوم وبصل بودر فقط
للتقديم
طماطم وبصل مكعبات وبقدونس مفرومة
طريقة العمل
نجمد بلوك اللحم نصف تجميد او لو هو فى الفريزر نطلعة قبل الشغل بساعة فقط علشان نتمكن من تقطيعة رقيق جدا جدا
بالشكل دة وبعدين الى شرائح ارفع
وهكذا الى ان ننتهى من تقطيعها بالكامل
نحضر طاسة تيفال وتوضع على البوتجاز قبلها بوقت تسخن كوويس جدا جدا وبدون زيت ولا زبدة ولا سمنة فقط لما تسخن نضع اللية انا بفرمها افضل علشان تاخد الطعم والريحة فقط لكن ما تكونش ظاهرة فى الاكل
نضع اللية ثم نضع اللحم على نار عالية جدا جزء جزء وليس دفعة واحدة ونضع ملح وفلفل وخل والثوم والبصل ونشوح على نار عالية بالشكل دة
وهنا بعد اضافة اللحم والبهارات
نلاحظ انها هتبدأ تجيب مية بسيط برضوا نخلى النار عالية ونشوح
طبعا هى بتستوى بسرعة جدا لانها رقيقة جدا جدا والمهارة فى تقطيعها رقيق كدة وهنا بعد ما استوت تمام واتحمرت
كدة خلاص دة الاصلى للشاورما ممكن نجهزها كدة ونحتفظ بيها فى علبة فى الثلاجة او الفريزر
عند التقديم نقطع الطماطم والبصل والبقدونس ونحضر طاسة تيفال وبرضوا نسخنها كويس ونضع الخضار فيها شوية لما ينشف من السوائل اللى فية على نار عالية وبعدين نضيف لة كمية الشاورما حسب الرغبة
بالشكل دة ودة شكله النهائى
جربوها ان شاء الله تعجبكم جدا جدا
بالف هنا
تحيـــــاتى
منوس ننوس
منى عبد المنعم جاد
تعليقات
إرسال تعليق