طريقة عمل تورتة على شكل بيانو للأطفال والحفلات بالصور والخطوات للشيف منوس ننوس

دى تورتة مجسمة على شكل بيانو مغلفة بالفندان والكيك شوكليت ومحشية موس مع كريم شانتى شيكولاتة وقطع اوريو

المقادير

كيلو دقيق اسبونج شيكولاتة

12 بيضة

كوب ماء عادى

معلقة كبيرة محسن جيل للكيك

فانيليا وعصرة ليمون

طريقة العمل

المقدار دة قسمتة على صنيتين مقاس 30 فى 20

بنضع كل المقادير مرة واحدة دفعة واحدة فى العجان ونخلط الى ان يتضاعف الحجم الى الضعف

وهنا انا كان عندى فوم من الاجهزة الكهربائية محتفظة بية عندى رسمت شكل البيانو على ورق وقصيت قاعدة من الفوم بشكل البيانو وعملت ليها ارجل من الفوم ايضا وقصيت الكيك على القاعدة

دة طبعا شكل القاعدة بس مقلوبة قصيت الكيك عليها بالشكل دة

وعملت التورتة طبقتين فقط وحشيتها بخلطة موس شيكولاتة وكريم شانتى مع قطع بسكويت اوريو طعمها رائع

هنا اجلسها كلها بكريمة زبدة او جناش بس انا بصراحة جلستها كريم شانتى لانها للبيت بس الاصح جناش او كريمة زبدة لان الفندان بيبدأ يسيح بعد يوم من جوة لكن لو كريمة زبدة او جناش بيحتفظ بقوامة

هنا قبل التجليس قصيت طرف مستطيل من اول الكيك مكان الازرار بالشكل دة
ثم وضعت الكيك على القاعدة الفوم وفردت عجينة السكر الفندان باللون الاسود وغطيت الكيك بالبورد كلها بالشكل دة