التورتة دى على شكل قفاز حارس المرمى استخدمت فيها كيلو دقيق اسبونج ابيض
كيلو دقيق اسبونج فانيليا
12 بيضة
كوب ماء عادى
معلقة كبيرة محسن جيل
ليمون وفانيليا
طريقة العمل
انا قسمت المقدار على 4 صوانى حجم كل صنية 30 فى 28 تقريبا عملتها 4 طبقات بس استعملت 3 طبقات للكيك يعنى 3 صوانى والصنية الرابعة لباقى القفاز من اليمين وتابعوا الشرح هتفهموا قصدى
طبعا بنحطط كل المقادير كلها على بعض مرة واحدة ونخفق الى ان يتضاعف حجم الخليط بهذا الشكل
طبعا انا الفرن بياخد 2 صنية فقط فانا قسمت المقدار على مرتين وجهزت مقدار مقدار مش كلة مرة واحدة يعنى عملت النصف كيلو على صنيتن ولما يقرب يستوى ابدا اعمل التانى وطبعا مش بياخد وقت نهائي بالكتير من عشر دقائق الى ربع ساعة بالكتير لانها طبقة مش سميكة ودة شكلهم بعد السواء
هنا انا رسمت شكل القفاز على ورقة
هنا عملت حشو موس فانيليا مع كريم شانتى ومربي مشمش حسب الرغبة
عملت 3 طبقات بهذا الشكل
بالشكل دة
وزى ما انتم ملاحظين الجزء اليمين دة الصنية الرابعة قطعتها 3 اعمدة فوق بعض يعنى بكبر الحجم لان دى كانت اكبر صوانى عندى معلش بتكلم كتير بس علشان اوضح
طبعا قصيت شكل القفاز بالضبط وحطيت الورقة فوق الكيك اعتقد كدة فهمتوا قصدى لان باقى اليد كانت مش مكفية بالسكنية نبدا ننحت الشكل
بالشكل دة ونغلفة كريمة زبدة انا برضوا غلفتة كريم شانتى لانة للبيت عندى بس الاصح كريمة زبدة علشان هانغلفها بالفندان
وهنا فردت فندان ابيض وغلفتها بية
وبسكينة البيتزا نقطع الزيادات
وبعد كدة قصيت كل جزء فى الورقة لوحدة بطريقة البازل
كل جزء لوحدة بالشكل دة الاجزاء دى باللون الاحمر والاسود
بفرد اللون واحط علية الورق واقص
ودة كان شكلها النهائي
بالف هنا
مع تحياتى
منوس ننوس
منى عبد المنعم جاد
تعليقات
إرسال تعليق