كنافة بالنوتيلا على طريقتى
نحتاج الى
كيلو كنافة او نصف حسب حجم الصنية
سمنة حوالى نصف كوب
باسترى كريم
شيكولاتة نوتيلا
بندق
شربات 3 معالق كبار
طريقة العمل
نكسر الكنافة فى محضرة الطعام
نضع السمنة فى طاسة تيفال على النار
ثم نضع الكنافة ونقلب
الى ان تتشرب السمنة تماما بالشكل دة
ونستمر فى التقليب الى ان تاخذ لون ذهبى بالشكل دة
نحضر قارب ونخلط نصف كمية الكنافة بالشربات كمية بسيطة ونفردها فى القارب
ثم نضع باسترى كريم او اورينت كريم ودول بنجيبهم بودر من مستلزمات الحلوانى ونضربهم بحليب بارد زى الكريم شانتى بالضبط ونفرد طبقة متوسطة منة فوق الكنافة ونراعى واحنا بنفردها ما نضغطتش جامد او ممكن نحطها فى كيس حلوانى ونوزعها لتسهيل الفرد
وباقى الكنافة نخلطها مع معلقتين كبار نوتيلا
ونخلطهم بهذا الشكل
ثم توضع فوق الطبقة السابقة
ونضع شيكولاتة نوتيلا فى كيس ونعمل بيها تزين حسب الرغبة خطوط مثلا ونرش بندق وممكن كمان نرش حليب مكثف محلى حسب الرغبة بسيط جدا
وتوضع فى الثلاجة تبرد وتقدم بالف هنا
مع تحياتى
منوس ننوس
منى جــــــاد
تعليقات
إرسال تعليق