وصفة اليوم عبارة عن فخة ضأنى كاملة مشوية فى الفرن بطريقة سهلة وطعم لذي جدا مناسبة فى العزومات
المقادير تقريبة
نحتاج الى فخذة ضأنى من الجزار الوزن حسب الرغبة دى كانت 6 كيلو
طماطم مكعبات وبصل مكعبات او شرائح حسب الرغبة وجزر حلقات وفلفل اخضر وحلقات بطاطس
توابل ملح وفلفل وبهار لحم
عصير 2 ليمون
رز بسمتى طريقتة موجودة هنا
الطريقة
نحضر قارب فرن كبير جدا يستوعب الفخذة كاملة
نغسل الفخذة بالماء جيدا
نعمل فتحات بالسكينة فى الفخدة
لتسهيل عملية التسوية
نخلط التوابل والبهارات كلها مع بعض وندلك الفخدة بيها كويس جدا وفى الفتحات كمان بالشكل دة ونقلبها من ورا ونعمل نفس الخطوات ونعصر الليمون ونتبلها كويس
ونضع كل الخضار المقطع حوالين الفخدة بالشكل دة ما عدا حلقات البطاطس دى هانحطها فى اخر ربع ساعة فقط
ونرش رشة بسيطة ملح وفلفل على الخضار ونقلبة كويس طبعا مش هانحط اى دهون خالص لان الفخذة هاتجيب دهون نكون مشغلين الفرن على نار عالية وسخن كويس جدا نغلف الصنية كلها بالفويل ورق القصدير ونغلقها جيدا من كل الجوانب بالشكل دة
وتوضع فى الفرن اخذت حوالى ساعات فى الفرن كل نصف ساعة اطلعها واشوف لو محتاجة مية ازود ماء مغلى وهكذا وبعد ساعة قلبتها على وشها علشان الوش كمان يتشرب من الصوص وطعم الخضار اللى فى الصينية وبعدين قلبتها تانى على ظهرها وفى اخر ربع ساعة بعد ما تتاكدى انها استوت تمام بانك تغرسي فيها سكينة لو دخلت بسهولة يبقى استوت تمام تضيفي شرائح البطاطس وتسيبيها تانى تكمل سواء وبعدين تكشفى ورق الفويل علشان تحمر وتاخدى من الصوص اللى هيكون نزل منها وترشي على الفخدة
طبعا وقت التسوية بيختلف من حد للتانى حسب نوع اللحمة وحجمها فانتى لازم تختبريها
وانا عملت معاها رز بسمتى بالكركم وكاجو طريقتة موجودة على المدونة وقدمت الخضار والبطاطس معاها بس نسيت اصور البطاطس ودة شكلها النهائي بالهنا
مع تحيـاتى
منوس ننوس
منى جاد
تعليقات
إرسال تعليق