الكيك بوبس او مصاصات الكيك
نوع من الحلويات مناسب فى الحفلات بيحبوة الاطفال كتير عبارة عن كيك مفتت ونعجنة بصوصات او كريمات اى عامل ربط ونشكلة حسب الرغبة
وعملت شكل فستان البرنسيسات ودة كيك ابيض ندخل على الوصفة
المقادير
هنا المقادير تقريبة نحتاج الى كيك ابيض اى نوع موجود عندكم نضع الكيك فى محضرة الطعام ونفتتة
بالشكل دة وهنا انا ضفت لية قشطة حلويات
وكمان ضفت صوص فراولة وسبق وشرحت صوص الفراولة بالتفصيل
نخلطها كويس باليد وهنا انا متعمدة يكون شكلها كدة فيها رتوش احمر
وهنا دة كيك بنى
فتتة برضوا فى محضرة الطعام ثم ضفت الية جناش شيكولاتة
وهنا عملت كور من العجين الشيكوليت الكيك بوبس وزن كل واحدة حوالى 50 جرام طبعا ممكن تصغر عن كدة حسب الرغبة بس انا شايفة ان دة مقاس مناسب
وهنا نحضر اعواد الكيك بوبس ونغمس طرف منها فى الشيكولاتة السايحة ونغرسها فى الكيك بوبس
بالشكل دة وندخلها الثلاجة تمسك كويس علشان ما يطلعش العود ويمسك كويس وبعدين حسب التصميم انا هنا هغطيها بالشيكولاتة البيضاء
بالشكل دة
ونثبتها فى قطعة فوم علشان تنشف كويس وعلى حسب التصميم ممكن تكون العكس يعنى القاعدة تبقى هى نفسها الكيك بوبس
زى ما عملت هنا دى فستان البرنسيسات بلون الشيكولاتة البيضاء بألوان جيل او ألوان شيكولاتة مخصوص واغمس الكيك بوبس فيها واطلعها على نايلون و أرش سكر ألوان
بالشكل دة والصور انا طبعتها وقصيتها ودر بنسميها توبر وبعدين لزقت كل شكل على الكيك بوبس المناسبة ليها
وهنا دة الشكل الاول عملتة بيبى الاشكال بعجينة السكر
يارب الوصفة تعجبكم
مع تحيـاتى
منى جاد
منوس ننوس
تعليقات
إرسال تعليق