وصفة اليوم عبارة عن وصفتين مع بعض وهى طريقة خبز التورتيلا وطريقة الشاورما
نبدأ بخبز التورتيلا وهو نوع من انواع العيش او الخبز يستخدم فى عمل الساندوتشات
مقادير خبز التورتيلا
كيلو دقيق
معلقة كبيرة سمنة
ربع معلقة صغيرة ملح
2 معلقة كبيرة قشطة فلاحى
ويعجن بلبن رايب وممكن ماء او حليب عادى
بس بالقشطة واللبن الرايب بيبقى طري جدا وطعمة غنى
طريقة العمل
نضع الدقيق مع الملح ونلاحظ انة لا يوجد اى مواد رافعة لا خميرة خبز ولا باكينج بوردر فقط دقيق وملح
ثم نضع السمنة ونفركها
ثم القشطة الفلاحى ويعجن بلبن الرايب
الى ان نحصل على عجينة طرية لا تلتصق باليد لو لاقينها بتلزق نرش شوية دقيق
بالشكل دة نرش على الرخامة او صنية قليل من الدقيق ونقوم بتقسيم العجينة الى كرات متوسطة
بهذا الشكل
الخبز دة بنسوية على البوتجاز او على النار من فوق فى طاسة تيفال وبدون دهان الطاسة اى مادة مباشرة نسوي فيها
ناخذ كرة ونفردها بالمردانة او النشابة الى دائرة رقيقة
بالحجم المراد حسب حجم الطاسة هنا انا عندى جريل البان كيك والكريب عملتة فية بالشكل دة
هنا اول ما نضع الخبز نتركة ثوانى واحنا واقفين نتابعة ولما نلاحظ بداية انتفاخة نقلبة للوجة التانى بالشكل دة
وهكذا مع باقى المقدار ونضعة على فوطة او منشة للمطبخ نظيفة ونغطية وهنا شكة النهائي بعد التسوية
شايفين جمالة بصراحة طعمة وهم ويتاكل لوحدة كمان
ندخل على شاورما الدجاج
المقادير
كيلو شرائح بانية للدجاج مخلية جلد وعظم
نصف معلقة صغيرة من كل مما يلى ثوم بودرة وبصل بودرة ملح وفلفل اسود وبابريكا
2 معلقة كبيرة خل
قطعة دهن صغيرة او لية
مكعبات طماطم وفلفل وبصل وبقدونس مفروم
طريقة العمل
نقطع الدجاج الى شرايح رفيعة وصغيرة
نحضر طاسة تيفال ونسخنها جيدا ونضع قطعة الدهن او اللية ودى ضروري جدا لاعطاء طعم الشاورما الاصلي
اول ما تبدأ تسيح نضع الخل ثم الدجاج وعلى نار عالية جدا نشوح
الى ان تصبح بهذا الشكل
فى المرحلة دى نضع التوابل كلها ونقلب ثم نضيف كوب ماء ونتركها تستوى
هنا شكلها بعد ما استوت وتشربت كل الماء الموجود فيها نحضر باقى المكونات
ونخلطها على الشاورما ونحضر اطيب ساندوتش شاورما بخبز التورتيلاجربوها هاتعجبكم ان شاء الله ولا تنسونى بصالح دعائكم
مع تحياتى
منوس ننوس
منى جاد
تعليقات
إرسال تعليق